Adväntsgschichte (Churzgschichte mit Illustratione)
Inhaltsaagab Mys Göttichind isch scho lengschte erwachse. Drum machen ig ihm o kener Wiehnachtsgschänk meh. U glych han i einisch d Idee gha, es chönnti sech öppis ganz Bsundrigs zur Wiehnachte wünsche: 24 vo mir gschribeni Adväntsgschichte. Em Alphabet naa. Vo A bis Z. Entstande sy härzegi, luschtegi, truuregi aber o kritischi Gschichte. Gschichte wie […]
Gedanke zur Adväntszyt (Churzgschichte)
Mir mache nes dür ds Jahr dür geng öppe Gedanke zur Zyt. U di Gedanke sy ja nid geng nume rosarot. Mängisch chöme si halt o dunkel oder sogar fasch schwarz derhär. I der Adväntszyt ändere sech d Farbe nid. Si sy aber vilich e chli stercher, e chli chreftiger. Wil mer gspüre, dass während […]
Adväntszyt (Churzgschichte)
Dusse strubussets, es isch fyschter u chalt.Nachdäm me der Novemberblues einigermasse schadlos überstande het, faat eim der bevorstehend Wiehnachtsstress uf ds Gmüet aafa drücke.Was gits da dergäge bessers, als es heisses Tee, Cherzeliecht – u Wiehnachtsgschichte?
Züg u Sache (Churzgschichte)
We me mit offene Ouge dür ds Läbe geit, de gseht me verschidene Züg. U wem e de öppe einisch no d Seel e chli lat la weide u d Phantasie lat la galoppiere, de chöme eim Sache i Sinn, wo zunere Gschicht chöi wärde. Settigs Züg u settegi Sache stöh i däm Büechli, wo […]
Allergattig (Churzgschichte)
Ds Läbe schrybt bekanntlech allergattig Gschichte. Zum Bispil läbigi, kuurligi, kritischi oder o spezielli. Vo dene brichtet das Büechli. Es sy nid wältbewegendi Gschichte wo da verzellt wärde. Wil ds Läbe sälber ja o nid wältbewegend isch. Es sy Churzgschichte wo zum Nachedänke, zum Chüschte, zum Gniesse u mängisch o zum Grediuselache sölle aarege. Si […]
Schynagle (Zytgschicht, Roman)
Dä Roman basiert uf em Tue vom ehemalige Hilfswärch vo der Pro Juventute, «Kinder der Landstrasse». Bis i d Sibezgerjahr vom letschte Jahrhundert hei d Lüt vo däm Hilfswärch Jenischi Familie usenand grisse, hei d Chind i Pflegefamilie, i Aastalte oder sogar i Gfängnis gsteckt u hei jungi Froue zwangssterilisiert. Mit em Ziel, di Jenische […]
Didgeridoo www. (Zwe Romän)
Didgeridoo Als Fahrer vom Poschtouto, wo zwüsche Spiez u Äschiried verchehrt, kenne ne die Yheimische. Aber wär isch eigetlech dä hilfsbereit u liebeswärt Mönsch würklech? Die Frag stelle sech d Lüt leider ersch, wo öppis ganz Unerwartets gscheht. www. Ds Internet bietet hüt verschidenschti Müglechkeite, enand lehre z kenne. Die Glägeheit näh o „listen“ u […]
Unspunne (3. Krimi)
Ds Alphirtefescht, wo Stadt u Land söll verbinde, isch vorbereitet. D Teilnähmer u d Bsuecher chöme langsam i Feschtluune. Nume wenegi wüsse, dass die fridlechi Stimmig tüüscht. Sys d Béliers wo – einisch meh! – Unspunne wei missbruche, für politisches Kapital drus z schla? Oder stecke anderi Chreft derhinder?
E leidi Gschicht (2. Krimi)
Z Seebad, imene chlyne, idyllisch glägene Dörfli i der Umgäbig vo Interlake, isch gschosse worde. Schynbar hets e Person preicht. So bhouptets ömel e Bewohner vom Cholchosehuus. Nume findet der Fahnder Flück wäder e Täter, no es Opfer. Derfür merkt er, dass i däm Huus nid alli so nätt zunenand sy, wie si ihm vorspile. […]
Unglych (1. Krimi)
Seebad, es chlyses, idyllisches Dörfli i der Umgäbig vo Interlake, isch eine vo de Schouplätz vo däm Mundart-Krimi.Z Seebad stöh drü Hotel. Zwöi sy i Betrieb, ds Dritte söll nächschtens wider eröffnet wärde. E nächtleche Brand zerstört aber das Gebäud. Isch es Brandstiftig? Sy die beide andere Hoteliers a däm Brand beteiliget? Oder isch Versicherigsbetrug […]