Büecher
Under däm Titel versteckt sech Verschidnigs.
Es het Büechli mit Churzgschichte wo der Alltag beschrybe. Aber o settegi, wo speziell für d Wiehnachtszyt dänkt sy. Beidi eigne sech o zum Vorläse.
Dir findet o Romän. Es sy aber nid so Härz-Schmärz-Gschichte. Si rege eim ehnder e chli zum Nachedänke aa.
O für d Krimi-Fäns hets Büechli. I dene isch der Fahnder Flück gforderet, wo bi der Kantonspolizei, hie uf em Bödeli, sy Arbeitsplatz het.
Alli Büechli sy bi mir oder im Buechhandel erhältlech.
Theater
Theater schrybe isch ganz e anderi Form für sech mitzteile. Bim Buech macht sech jede Läser syner Gedanke sälber. Bim Theater hei näbscht em Outor no d Schouspiler, der Regisseur, ds Bühnebild u d Belüchtig Yfluss uf ds Gschribnige. Das machts spannend!
Es het luschtegi, ärnschti, schregi u o kuurlegi Stück drunder. Vom klassische, ländleche Theater bis zum Schüelertheater. Aber o vom Krimi-Dinner bis zum luschtige Schwank findet er e breiti Uswahl – u dermit vilich o es Stück, wo öine Wünsch enspricht?
Wyteri Informatione überchömet er bi mir, oder bim Theaterverlag Elgg z Bärn.
Frage zu de Büecher u de Theater beantworte nech gärn über ds Mail. D Adrässe gseht er unde a der Startsyte.