Theater zum Erschte:
Der Ellg-Verlag het der Dinner-Krimi „Über d Klinge springe“ i sys Programm ufgno. Meh über das Stück erfahret er bi „Theater“.
Theater zum Zweite:
D Gmeind Habkere fyret im Jahr 2025 ihres 750 Jahr Jubiläum mit verschidene Feschtivitäte. Es wird o es Theaterstück gspilt. Ganz hinde im Tal, im Blossmoos, chunnt ds Freiliechttheater „Ds Jahr ohni Summer“, won i zu däm Jubiläum gschribe ha, zur Uffüehrig. Meh über das Stück findet er bi „Theater – Ds Jahr ohni Summer“.
Gschichte zum Erschte:
Der ganz Dezember dür sändet d Musigwälle, jewyls am Morge u am Aabe, e Churzgschicht zur Adväntszyt. I ha d Glägeheit übercho, 24 Churzgschichte derfür z schrybe u se o sälber vorzläse. I bi gspannt, öb si öich wärde gfalle.
Gschichte zum Zweite:
D Adväntsgschichte bi der Musigwälle wärde vorgläse. I ha aber o no planet, die i Buechform usezgäh. Sobald das Projekt spruchryf isch, erfahret ers hie.